Windows වල Windows කැරකැවිල්ල (කම්පියුටර් ජිල්මාට්ස් පාට්නම්බර් 51)

හප්පොච්චියේ සෑහෙන කාලෙකින් ජිලා ජිල්මාට්ස් පෝස්ටුවක් අරංඇවිදින්... දකින්නත් සන්තෝෂයි ඕයි..අම්මප ඈ... ජිලා සත්‍ය ලෝකෙදි හමුවන අපූරු මිත්‍රයින් නිතර කියන කතාවක් තමයි උඹ දැන් මහත් වෙලා මේං බඩකුත් ඇවිත්...දැන් බඩට මාස කීයද කියල... පලඩෝ යන්න.. මොන බඩක්ද..? උඹල හිතුවද ජිලා ගර්භණී අවස්ථාවෙ කියලද..? ජිලා ගෑණියෙක් නෙවේ ඈ.. තවත් එවුන් කියන්නෙ දැන් මූට සැපවැඩියි කියල.. ඉතිං හත්වලාමේ සැප ලැබෙන කොට එපා කියන්නෙ මොකාද..?
ජිලා දැන් තරමක් කාර්‍යබහුල චරිතයක් වෙලාලු.. ඉතිං සමහර උන් හිතනවා ජිලා දැන් ජිල්මාට්ස් පෝස්ටුත් අරන් ජිල්මාට්ස් බ්ලොගිය අලුත්කරන්නෙ නෑ කියල.. ඒක ඉතිං අමූලිකම අමූලික පට්ටපල් බොරුවක් ඈ... කොතරම් කාර්‍යබහුල උනත් යහළුවන්ට උදව් කිරිල්ලේ කැසිල්ලත්.. දන්නාදේ කියාදීමේ කැසිල්ලේ රෝගාබාධයත් තවම තියනවලු ඈ.. ඒ අස්සෙ එක එකා මේ රෝගය සුවකරගන්න එක එක කෙම්ක්‍රම ජිලාට පෞද්ගලිකවම කියනවලු... ඒ දැන් ජිල්මාට්ස් බ්ලොගියට අවසන් තිත තියපන් කියල.. ඒත් ඒ එක කෙමක්වත් ජිලාගෙ මේ ශරීර සෞඛ්‍යයට ඔරොත්තුනොදෙන නිසා ඉදිරියටත් ජිල්මාට්ස් බ්ලොගිය උඹවෙත දිගහරිනව කියන්නෙත් බොහොම කැමැත්තෙන් හොදේ...
…ඔන්න ගියවතාවේ ජිල්මාට්ස් අඩවියේ 50වැනි පෝස්ටුවත් දිගහැරුණා... බොහොම ආඩම්බර ලීලාවෙන්.. මේ ජිල්මාට්ස් පාට්නම්බර් 51.. ජිල්මාට්ස් අඩවියේ පෝස්ටු සොරකමින් එක එක ජිල්මාට්ස්ලා බෝවෙන්න පටන් අරං ජිලාගෙ ජිල්මාට්ස් පෝස්ටුවම උස්සලා "ඔන්න මුල්ම වතාවට වෙබ් අඩවි බ්ලොග් අඩවි කලාවේ ප්‍රථම දිගහැරුම මාතෘකාවකුත් දාගෙන බ්ලොග් කලාවේ ඉදිරියට එන්න සමත් බ්ලොග් අඩවි කිහිපයක්මත් ජිලාට හමු උනා... අනේ මුන් කොහොම මේව කොටනවද මන්දා....... එතකොට ජිල්මාට්ස් පෝස්ටුවෙන්ම උස්සපු එකම ලියලා ඒක ප්‍රථමවතාවටලු.. පුකෙනුත් හිනා යනව ඈ...අම්මප..
……ඒ බයිලා වලින් වැඩක් නෑ..  අද ජිලාගේ අලුත්ම මාතෘකාව Windows වල Windows කැරකැවිල්ලලු..
…මොකක්ද බොල ඒ හරුපෙ..? Windows වල Windows කැරකැවිල්ල.. ?? ඔය වචනෙත් ඉතිං මගේ වචනයක්ම නෙවෙයි ඈ... ඒකත් කියන්න එපැයි.. මගේ අනාගත හාමිනේ පොඩ්ඩගෙ වචනයක් ඕක.. අද මම සතියකට පස්සෙ මගේ වෙන්ඩ නෝනිව බලන්ට කරාපිටිය ක්ෂිශණ රෝහලට ගියා.. යද්දිත් එයා ඔපරේෂන් තීටර් එකේ ඔපරේෂන් එකක.. වෙනදා තීටර් එකට ඇතුළුවෙන පුරුද්දට අදත් ඇතුළු උනා... හෆොයි දෙයියනේ වෙච්චි දෙයක්... එයා මගේ කනින් අල්ලගෙන ඇවිදින් තීටර් එකෙන් එළියට ඇදලදැම්මලු ඈ... පිරිමියෙක් වෙච්චි මට ඒ සීන් එක බ්ලූ එකක්ලු ඈ.. කියන්න ඕනි නෑනෙ ඔපරේෂන් එකට අරන් තියෙන්නෙ ස්ත්‍රී පාර්ශවයේ කෙනෙක්.. සම්පූර්ණ නිරුවත්... මේව මෙහෙම කියන එක හරිද මන්දා ඕයි... වෙනදටත් මේ වගේ සිද්ධිවෙනකොට මාව මේ විදියටම කනෙන් අල්ලල දොට්ට...
…කොරන්ටත් දෙයක් නැති එකේ හෙමිහිට එයාගෙ වෝඩ් එකට ඇවිදින් එයාගෙ ලැප්ටොප් එක දිගහැරියලු... මෙන්න බොලේ වැඩක්... මෙයා MAC Operating System එකේ theam එකක් දාගෙන හැඩවැඩකරලා...
ඔන්න ඉතින් මම එයාගෙන් හේතුව ඇහුවම එයා විශේෂ කලේ මේ Mac OS theam එකේ තියන දිගහැරගත් ඇප්ලිකේෂනස් වෙත පහසුවෙන් තොරාගැනීමට ඒ අදාළ window එක කරකවමින් ඒවෙත ළගාවීමේ හැකියාව.. එයා කිව්වෙ ඉතිං windows වල මේ විදියට windows කරකවන්න බෑ කියල... ඔන්න ඉතිං ඒ බෑකියපු ඒ windows වල windows කැරකැවිල්ලේ රහසත් මම මගේ පැටියට කියලදුන්න..
…දැන් ඉතිං උඹල හිතයි දැන් ජිලා වෙනස් වෙලා කියල.. ආදරවන්තියක් ලැබුණ නිසා කියල.. පොඩ්ඩක් වෙනස් උනා හැබැයි සම්පූර්ණවම නෙවෙයි ඈ.. මේං එහෙනම් දැන් මම මේ උඹලටත් මේ කියලදෙන්නයි යන්නේ....
…දැනටමත් දන්නව ඇතිනෙ මොකක්ද මේ ජිලාගෙ වෙන්ඩ නෝනි මේ කියල තියෙන්නෙ ජිලා මොකක්ද මේ කියලදෙන්න යන්නෙ කියල.. හරි වැඩිකතා ඕනි නෑ එහෙමනම් කරලම බලමුකෝ මොකක්ද මේදෙන්නගෙ මේ හුටපටෙන් ජිලා කියල දුන්නෙ මොකක්ද කියල 
හලි එහෙනම් ඔන්න ඩෙස්ක්ටොප් එක උඩ right click කොලා දැන් ඉතින් මේ ජිලා ගහන බෙරේ  තාලෙට මගේ මේ යහළුවො සෙට් එක නටවලු ඈ... වැරදුණාද මන්දා,.. නෑ නෑ ජිලා මේ කියන විදියට කරනවලු ඈ..
…new >> shortcut දැන් ඉතිං  RunDll32 DwmApi #105 කියල කොටනවා ඉන්පස්සෙ ඉතින් next ඈ... ඉන්පස්සෙ Type a name for this shortcut කියන තැනට Flip3D  කියල කොටලා save කරනවලු ඈ..
හලි දැන් ඉතින් ඔය ඩෙස්ක්ටොප් එක මතතියන Flip3D එක උඩ right click >> properties >> change Icon එකට එන්නකෝ...
…හරි දැන් ඔය Browse කියන බට්න් එකෙන් C partition >> Windows >> explorer එකට එන්නකෝ ඒකියන්නෙ මෙහෙමයි ඈ.. C:\windows\explorer.exe හරි දැන් ඔතැනින් Icon එකක් තෝරාගන්න හරි දැන් ok
දැන් ඉතින් ජිලා කියනවා ඔයා ඔය හදාගත්තු මෙව්ව එක Taskbar එකට ඇදල දාන්න කියල..
…ඔන්න වැඩේ අහවරයිලු ඈ.. ඔයාගෙ කම්පියුටර් එකේ තියන අනංමනං අරවමෙව්ව සෙට් එකක්ම දිගහැරගෙන දැන් අර Taskbar එකට දමපු මෙව්ව එක ක්ලික් කොරමුකො බලන්න...............

…"ආව්.........ලස්සන.............. ෂා මරුනෙ පැටියෝ...." ඔය ටිකම තමයි මගේ එක්කෙනත් කිව්වෙ ඈ...
එයානම් ඉතිං මට පොඩි මෙව්ව එකක් දුන්නා.. උඹත් ඉතිං මට මෙව්ව එකකින් කමෙන්ටුවක් ෆේස්බුකියේ share පාරක් දැම්මොත් නරකනෑ ඈ.. ජිල්මාට්ස් බ්ලොග් අඩවිය ගැන අනික් අයවත් දැනුවත්කරමු කියන්නෙ ජිලා බෙදන දැනුම එකතැනකට එක් අයෙකුට සීමා නොවියයුතු නිසා..
අහ්! අමතකම වෙලා ගියානෙ... යන්තම් මේ පෝස්ටුව බලපු මුල්ම පුද්ගලය උනෙත් කටුකුරුන්ද  ශ්‍රී ලංකා විශේෂ කාර්‍යබලකායෙ තොරතුරු තාක්ෂණික අංශ ප්‍රධාන මාහිතාදර විමලරත්න උතුමාණන් ක්ෂණික ඇමතුමකින් මාව අමතා අමතකව ගිය යමක් එළියට ඇදල ගත්තා.. ඒ මේ සූත්තරයම Windows key + Tab මත සිට හැසිරවිය හැකි බැව්... ඉතිං ඒකටත් විශේෂ තුති ඈ... අයියේ.. ඕං මම ඒක මෙතැන කිව්වා...
හප්පොච්චියේ මේං මේක මම උඹලට කියලදෙන්නෙ මම තවමත් කරාපිටිය ක්ෂිශණ රෝහලේ එයාට භාරවතියන වෝඩ් එකේ එයාගෙ සැපපුටුවට වෙලා එයාගෙ ලැප්ටොප් කම්පියුටර් එකෙන්මයි.. ඈ යකෝ කොල්ලට මෙහෙම පුටු රත්කරන්න කියලදෙන මගේම මගේ පෙම්වතියකුත් ඉන්නවා එහෙනම්.. පුටුව රත්කොලා ඇතිවගේ.. ආයෙමත් දුවන්න ඕනි ඔපරේෂන් තීටර් එක පැත්තට.. ආයිමත් සැරයක් කනින් අල්ලාගෙන ඇවිදින් එළියට දායිද මන්දා පොඩ්ඩක් එළියෙන් ඉන්න මම එනකම් කියල.. ඒ මොකවෙතත් ගිහින් බලමුකෝ  මම ගියා ඈ... ආයෙමත් දවසක හමුවන බලාපොරොත්තුවෙන්...

මට මගේම නොවන Web Browser එකක් හදාගැනිල්ල. (කම්පියුටර් ජිල්මාට්ස් පාට්නම්බර් 50)

සෑහෙන දවසකින් ඕං ජිලා සුපුරුදු නුහුරු නොවරදින ජිල්මාට්ස් කෙරුවාවක් උඹට කියන්නයි සූදානම. අහ්! ඊටත් කලින් උඹට සුභම සුභ ආරංචියක් තියනවා කියන්න...
…උඹේ ආදරණීය ජිල්මාට්ස් නොහොත් ජිලා පෞද්ගලික ජීවිතෙන් සර්ථක කඩයිමක් තැබුවා ඈ.. ඒ ජිලාගේ රාජකාරී සපයන ආයතනයකින් ජිලාට ස්ථිරපත්වීම ලබාදී හොද වැටුපකට හිමිකම ලබාදුන්නා.. දැන් බලයි "රාජකාරී සපයන ආයතනයකින්" කිව්වම ජිලාට තවත් රාජකාරි ආයතන තියනවද කියල... ඔව්.. ඇත්තෙන්ම ඔව්..තවත් ආයතනයකට සේවාව සපයනවා..ඉදිරියේදී තවත් වැදගත් ස්ථානයකට ජිලාගේ සේවය අවශ්‍යව තිබෙනවා... මීට අමතරව රාත්‍රී පාඨමාලා කිහිපයකුත් ජිලා පවත්වනවා.. ජිලාගේ මේ දියුණුවට උඹත් නිසැකවම ශක්තියක් උනා... මම නොදැනුවත්වම...උඹ නොදැනුවත්වම.. මගේ...උඹේ චිත්ත ශක්තිය සැබෑම පිටුවහලක් උනා... සැබෑම ශක්තියක් උනා... උඹ දැනුවත්ව හෝ නොදැනුවත්ව උඹ ජිලාට ආශිර්වාද කලා.. සුභපැතුවා.. ඒ මම දන්න දේවල් උඹලත් එක්ක නිර්ලෝභීව බෙදාහදාගත්තු නිසා... මම උගත්දේ උඹලට කියලදීපු නිසා.. ඔව් මම කැපවීම් කලා.. ගොඩාක්දේ ඉගෙනගත්තා.. ගොඩාක්දේ අත්හදාබැලුවා..පර්යේෂණය කලා.. මම සාර්ථක වූවා..  ඒවිතරක්ම ඇතිද මගේ ගමනට ඉහළට යන්න..? නෑ ඒකම ප්‍රමාණවත් නෑ... මම විශ්වාසකරනවා මම අදහන දෙවියනුත්.. මගේ රත්තරං අම්මිවත්.. ළග නොසිටියත් සිතින් මාළග නිතර රැදෙන මගේම රත්තරං තාත්තවත්... මගේම මහමොළකරුවන් දෙපළත්.. මගේ නෑදෑ පරපුරත්.. යහළුමිත්‍රාදීනුත්.. ෆේස්බුකියේදී නිතර මුණගැසෙන උඹවත්... ජිල්මාට්ස් බ්ලොගියෙන් හමුවන උඹවත්... මට ආශිර්වාද කරන්න ඇති.. සුභපතනවා ඇති... උඹල හැමෝටම පිං බං...
…ජිලා අද වෙනස් වෙලා... ගොඩාක් හැගීම්බරවෙලා... ඔව්.. ඒක ඇත්ත.. අද ජිල්මාට්ස්ගේ "කම්පියුටර් ජිල්මාට්ස් පාට්නම්බර් 50" මට අදවගේ මතකයි.. එදා මගේ මුල්ම පෝස්ටුව : "ලංකාවෙ ඉන්න හැකර් බයියලට බෑ අපේ facebook අකවුන්ට් හැක්කරන්න"
…මම මේ ජිල්මාට්ස් බ්ලොගිය ගැන ෆේස්බුකියෙන් ෆේස්බුකියේ යහළුවන් ඇමතුවා... ඒදවස්වල මේ හැකිං කතාව වගේම හැකර් බයියලා වැහි වැහැපුනිසා.. එදා ෆේස්බුකියෙන් කියූ status එකට හෙනගහන්නාවාගේ හෙනගෙඩිම කඩාපාත්වූවා... එක එකා අම්බානක බැන්නා... අදටත් මතකයි මගේ ෆේස්බුකියෙ වෝල් එකේ ලියූ ස්ටේට්ස්ටුවකට වැදුණ බැනුම් ප්‍රමාණය.. හෙනගහන්නාවාගේ බැනුම් තත්පරෙන් තත්පරයට එකක් වැදෙනවා... එතැනින් එකෙක් මම මගේ ළගින්ම ආශ්‍රය කරපු යහළුවෙක්.. මොනාකරන්නද..? ඒ අතරින් මගේ යහළුවන් කිහිපදෙනෙක් මගේ ගමනට ශක්තියක් උනා... අදටත් මම උන්ව සිහිකරනවා.. ලියපන් මචෝ බ්ලොග් එකක් කියල අතදුන්නෙත් ඒකාලයෙ හදුනගත්තු යහළුවෙක්...ඔව් අද ජිල්මාට්ස් බ්ලොගියත් ගොඩාක් දුර ඇවිදින්.. බොරු ට්‍රැෆික් නෑ... හොර ස්ක්‍රිප්ට් වලින් මනාප හිගාකෑවෙනෑ..අද ඒ ජිල්මාට්ස් යහළුවන් ලක්ෂයකටත් වඩා වැඩිප්‍රමාණයක් අතරෙ සැරිසරන්නක් වෙලා...
…ඇති වැඩි කතා ඇති.. උඹටත් සතුටුයි මටත් සතුටුයි...
…ළමයි.....
…අද මාතෘකාව "මට මගේම නොවන web browser එකක් හදාගැනීම"
…ඔයාලට කලින් මාතෘකාව මතකද..? මට මගේම නොවන මෙහෙයුම්පද්ධතියක් හදාගැනිල්ල"
…මතකනෙ පෝග්‍රැමිං දැනුම කිසිවක් නැතුව තමන්ගේම මෙහෙයුම්පද්ධතියක් හැදුවා,... ඒවගේමයි අදත්... පෝග්‍රැමිං දැනුම බිංදුවයි... ඒ වුනාට තමන්ගෙම කියල web browser එකකුත් හදනව.
…හුටා දැන් අහයි ජිලා කිව්වනෙ ෆේස්බුකියෙදි jilmarts web Browser එකක් හදමින් ඉන්නවා කියල..ඒ මේකද..? නෑ හත්වලාමේ මේනම් ඒක නෙවේ ඈ... jilmarts web broswer එක සම්පූර්ණවම ජිලාට උරුමයි... මේ දැන් ජිලා කියන්න යන්නෙ පෝග්‍රැමිං දැනුමක් නැතිව උඹට උඹේම නොවන web browser එකක් හදාගන්නා අයුරුයි ඈ..
…හලි හලි කතාව නැතිව දැන් වැඩට බහිමු...
…මුලින්ම යනවා මෙන්න මේ ලිංකුවට... රෙජිස්ටාර් කෙනෙක්ගාවට යෑමක් අනව්ශ්‍යයි ඈ...
http://www.makemybrowser.com/

හලි ඕං එහෙනම් රූප රාමුවලින්ම බලාගනිමුකො ඈ...
ස්ටෙප් 01 : ඕං මම ආවා http://www.makemybrowser.com ලින්කුවට ඈ...

ස්ටෙප් අංක ටූ : Start Now >>

ස්ටෙප් අංක ත්‍රී : ඔන්න ඉතිං කැමති තාලයේ නමක් දාගෙන කැමති තාලයේ ලෝගෝ එකක් බස්සවන්න ඕනි.

ස්ටෙප් අංක ෆෝ : ප්‍රධාන පිටුව මොකක්ද කියල bookmarks කිහිපයකුත් ඇඩ්කොරගන්න ඕනි... ආ... ජිලාගේ පිටුව ජිල්මාට්ස් බ්ලොග් අඩවිය bookmark නොකළොත් උඹට අපු ඈ... ඒනිසා මතක ඇතිව ජිල්මාට්ස්වත් බුක්මාක් කොරල මතකතියාගනින් ඈ...

ස්ටෙප් අංක ෆයිව් : ඔන්න දැන් ඔයාගෙ වෙබ් බ්‍රවුසර් එකට හොද theme එකක් දාගෙන Finish and download ඈ...මේං මේවගේ...

ස්ටෙප් අංක සික්ස් : මම මගේම නොවන  මගේ මෙව්වා එක පරිගණකයට ස්ථාපනය කිරීම...

ස්ටෙප් අංක සෙවන් : මම මගේම නොවන web browser එකෙන් ජිල්මාට්ස්ගේ මේ පෝස්ටුවට කමෙන්ටුවක් දැමීම...
…
…අහ්! උඹට කියන්න අමතක උනා.. උඹට උඹේම නොවන web browser එකට උඹ කලින් භාවිතකල Google Chrome web browser එකේ දමපු සෙල්ලම් මේ උඹේම නොවන මෙව්ව එකෙත් ඒවිදියටම දමන්න පුළුවන් ඈ... අමුතුවෙන් කිසිවක් කියන්න ඕනි නෑ ජිලා...
…ජිලා ජිලාගෙම අතින් නිමැවෙන මට මගේම වන ජිලාට ජිලාගේම web browser එකේ සවිස්තරාත්මකව හැසිරවීමක් ජිලාගේ ඒ නිමවුමෙන් පසුව උඹට කියලදෙන්නම්කො ඈ... ජිලාගේ web browser එක එනතුරු උඹ උඹේම නොවන මෙව්වා එකෙන් අන්තර්ජාලයේ එහාමෙහා සැරිසරමුකො ඈ..අද ජිලා නොහොත් උඹේම ආදරණීය මිත්‍රයා ගොඩාක් කාර්‍යබහුල චරිතයක් වෙලා...ඒනිසා හෙමිහෙමිහිට තමයි මේ සියලු වැඩකටයුතු අස්සෙ වෙබ් බ්‍රවුසර් එකේ වැඩකටයුතුත්... බ්ලොගියේ පෝස්ටුලිවීමේ ප්‍රමාදයත්.. ඉතිං කොතරම් කාර්‍යබහුල උනත් හැමදාමත් පුළුපුලුවන් විදියට ෆේස් බුකියටත් ඇවිදින් බුකියෙ මිත්‍රයින්ගෙ පරිගණක ආශ්‍රිතව මතුවන ගැටළුවලට උත්තර බදින්නෙ යහළුවෙකුට දන්නදෙයක් කියලදෙන්නම තියන කැසිල්ල නිසා.. ඒ කැසිල්ලම අද මට ශක්තියක්වෙලා..  ඒ කැසිල්ලේදී ශක්තියක් උන උඹට ජය!..