Monday, October 22, 2012

Hibernate/Sleep/Restart කිරිල්ල තත්පරෙන්... (කොම්පියුටර් ජිල්මාට්ස් පාට් නම්බර් 32)

රෑ දෙගොඩයාමෙ වෙනකම්ම යාලුවොත් එක්ක බරටම චැට දාල.. ඒ අස්සෙ හිටපු ගමන් කොම්පියුටරේ අස්සෙ අත ඔබල හීන් සීරුවේ ඉදන් ගන්න ෆන් එක ඇත්තටම පැටික්කියෙකුගෙන් ලහි ලහියේ ගන්න පෙළඹෙන තරම්  ජිල්මාට්ස්ගෙ හිත් පොජ්ජ මෙව්ව වෙලා නෑ... හදිස්සියට මොකකටද අත දාගන්නත් බැහැලුනේ... හැමදෙයක්ම හීන් සීරුවේ හෙමිහිට කරන කොට ලස්සනට කරගන්න පුලුවන්.. ගන්න ෆන් එකත් උපරිමයි... දැන් මෙහෙම කිව්ව කියල උඹල එකතුවෙලා ජිල්මාට්ස්ගෙ කාඩ් කුඩුකරන්න රෙඩිවෙන්න එපා...ඕං.. ජිල්මාට්ස් නම් ටිකක් සෙල්ලක්කාරයි නම් තමයි... ඒත් ඉතිං එහෙම කියල පැටික්කියන්ගෙ සීන් වලට මේ ජිල්මාට්ස්ව ඈද්ගන්න එපා.. පවුනෙ.. කළොත් කරන්නෙ ඉතින් කොම්පියුටර් එකේ අහුමුලුවල අත දාල ගන්න ෆන් විතරයි..
මහන්සියි... නිදිමතයි... දෙකම හින්ද නින්ද යනකම් ලාවට සින්දුවකුත් අහගෙන නිදාගන්න ඕන කියල හිතල පැය භාගයක් විතර ගිහින් කම්පියුටර් එක ඔටෝ ඕෆ් වෙන විදියට හදපු අයිටම් එකත් ඩබල් ක්ලික් කරල ඇදට පැන්නෙ පිටිකොටන්නෙ නැතුව නිදාගන්න... ආං දන්නවනේ ජිල්මාට්ස්ගෙ මේ ඔටෝ කම්පියුටර් එක ෂට්ඩවුන් කරන අයිටම් එක මම මේක පැටික්කියෙකුටත් කියල දුන්න කියල මීට කලින් පෝස්ටුවේදි මගේ මේ සෙටාර් එකටත් කියල දුන්නෙ... මම හිතන්නෙ දැන් ඒ ජිල්මාට්ස් එක්ක බරටම චැට දාපු පැටික්කිත් වැඩෙන් ලෙසටම ප්‍රයෝජනේ ගන්නව වගේ මගේ මේ සෙටාර් එකත් උපරිමෙන්ම ගන්නව ඇති...
ඇදට පැන්නට මොකෝ නින්ද අහලකවත් නෑ... ආයෙමත් මූණුපොතට ඇවිල්ලත් වැඩකුත් නෑ.. ඉන්න එවුන් මේ ටයිම් එකට මල් නෙලනවත් ඇති.. උන්ට ඩිස්ටෝබ් කරන එකත් මහ පවුකාර වැඩක්නේ... මොනවා කරන්නද කියල හිතන්නවත් බෑ... අනේ මටත් මගේම කියල පැටික්කියෙක් හිටියනම්... අහා... පැටික්කියො නලවන්න කලින් ජිල්මාට්ස්ගෙ යාලුවෙක් කලින් පෝස්ටුවට පොඩි කමෙන්ට් පාරක් දාල තිබුණ වගේ මතකයි.. shutdown කරනව වගේ කම්පියුටර් එක Hybernate කරන විදියත් කියන්න කියල... අහා... මැක්සා අයිඩියා එකක්නේ... දෙන්නම්කො එකට තුනක්ම... ඒත් ඉතින් කම්පියුටරේ ඔන් කරන කොටම පැටික්කියෙකුත් හිටියන චැට් එකට... පැත්තකින් තියන් කියාදිදී ලියන්නත් පුලුවන්නෙ.. කොහෙද මේ ටයිම් එකට ඉන්න පැටික්කියොත් බරටම බිසි.. ගිහින් උස්සන් එන්න තමයි තියෙන්නෙ බැහැනෙ.. සෙරෙප්පු පාරවල් කෙසේ වෙතත් උන් එක්ක චැට් කරන කුරුට්ටො ටික පවුනේ...
මොනව කරන්නද දෙන් දෙයියො දවසක ගෙදරටම ගෙනැල්ල දේවි නේ... ජිල්මාට්ස්  එතකම් බලාගෙන ඉන්නව... ජිල්මාට්ස්ගෙන් ඊළග පෝස්ටුව එනකම් සෙටාර් එකක් බලන් ඉන්නව උඹ වගේ.. ;) shutdown කිරිල්ලනම් හරිනේ... දැන් දෙන්නම්.. restart කිරිල්ලයි  නිදි (sleep) කිරිල්ලයි.. Hibernate කිරිල්ලයි... ඕං එහෙනම්...
මේ මොක කරන්නත් මේක ඕන කියල දන්නවනේ... අපේ short cut එක... මේං මෙහෙම... >> right click on Desktop  >>  new >> shortcut  >  type the location of the item කියල ඉල්ලන තැනට තමයි ගේම දෙන්න තියෙන්නෙ... ඒකෙන් තමයි ජිල්මාට්ස් ගේම් දෙන්නෙත් ඉල්ලන්නෙත්... එහෙමනම් .....
1. Hibernate කිරිල්ලට මේන් මෙහෙම කොටන්නකෝ.... Rundll32.exe Powrprof.dll,SetSuspendState Hibernate හරි දැන් next > finish... 

 2. sleep කිරිල්ල නැත්නම් නිදිකිරිල්ල ... මෙහෙම කොටන්නකෝ....                                       Rundll32.exe Powrprof.dll,SetSuspendState Sleep   හරි දැන් next > finish...

3. Restart කිරිල්ල... Shutdown.exe -r -t 00 හරි දැන් next > finish...

දැන්නම් හරි... හදලත් ඉවරයි... දැන් ඉතින් පබ්ලිෂ් කිරිල්ල... මොන මොනවා ටයිප් වෙලාද දන්නෙ නෑ... පෲෆ් බලන්නත් ඕනි... උදේට ඇහැරිලාම කරනව කියල හිතල ඇදට යන්න කියල රෙඩිඋනේ... ඒත් කෙලින් වෙන්න බෑ  වගේ.. අප්පොච්චියෝ... මම මේ හීනෙකින්ද මෙච්චර දෙයක් මේ  කරල තියෙන්නෙ තේරුණේ ඇදේ රෙද්දෙන් හොදට පොරවගෙන ඉන්නව දැකල.. වැඩේට මටම හිනා... මොනව කරන්නද යාලුවට හීනෙන් හරි උදව් කලානේ... ඒ හීනෙ යාලුවට වැදගත් වෙන හින්ද මම ඕං මේක හැමෝටම පේන්න පබ්ලිෂ් කරනව... එපාර හිතෙයි උඹලට මූ හීනෙන් වෙන මොනව මොනව දකිනවද ඇත්ද කියල... මටත් ඇඩුණ ඇස්දෙකන්ම වැඩේට.... :D හික්ස්...  


Tuesday, October 16, 2012

තත්පරෙන් කොම්පියුටර් එක shutdown කිරිල්ල (කොම්පියුටර් ජිල්මාට්ස් පාට් නම්බර් 31)

වැරදීම දේව ගතියකි...සමාව දීම මනුස්ස ගතියකි.. හරිද වැරදිද කියලනම් දන්නෙ නෑ... මම අහල තියෙන්නෙ නම් ඔහොම තමයි.. කොහොමත් ඉතින් ජිල්මාට්ස්ගෙ වැඩ ඔක්කොම එහෙමනේ.. ඔක්කොම කනපිට.. හැබැයි කනපිට ගහල හරි වෙන්න ඕන වැඩේ සුපිරියටම කරනව කියල දන්න කොල්ලො කෙල්ලො සෙටාර් එකකුත් ඉන්නව.. සමහර වෙලාවට ජිල්මාට්ස් බකපණ්ඩිතයි කියලත් ජිල්මාට්ස්ටත් හිතුණ වෙලාවලුත් තිබුණ.. ඒක ඉතිං බකපණ්ඩිත කමනම් නෙවෙයි නොදන්නකම.. සියල්ල දැනගන්න සියල්ලදත් නෙවෙයිනේ... අද තියන දේ නෙවෙයි හෙට... හැමදේම හැමදෙයක්ම වෙනස් වෙනව..කවුද හිතුවෙ කැඩුණ දේවලුත් නොකැඩුණ විදියටම හදන්න පුලුවන් වෙයි කියල...  තාක්ෂණය ඉස්සරහදි අපි හැමතැනම දෙවෙනි වෙනව.. හැබැයි එහෙම උනා කියල පස්සට යනව නෙවෙයි අපි ඒවත් එක්කම ඉස්සරහට යන්න වෙනව.. ඒකයි ඇත්ත..  මේ ඊයෙ පෙරේද දවසක ජිල්මාට්ස්ගෙ හොදම යාලුවට ලැප්ටොප් එකක් අරන්දෙන්නයි කයිවාරු ගැහුවෙ.. හොද මොකක්ද ගන්නෙ මොකක්ද කියල සේහෙන ගැටලුවක්.. එකෙක් මැද්දට පැනල කියපි දැන් 3rd generation ත් ඇවිත් තියන එකේ..ගනින්කො එයින් එකක් කියල... ඔන්න ඔතනදි ජිල්මාට්ස්ට ටිකක් අමතක උනා අද තියන දේ නෙවෙයි හෙට කියල...තව ඩිංගෙන් වලියකුත් යනව.. ජිල්මාට්ස්ගෙ යාලුව ජිල්මාට්ස්වත් අරන් ඇතුළට ගියේ නැත්නම්..  සියල්ල දැනගන්න සියල්ලදත් නෙවෙයිනේ.. දැන් 3rd generation ඇවිල්ල.. කියල අන්තිමේදි ජිල්මාට්ස්ටත් පිළිගන්න උනා...
ජිල්මාට්ස්ගෙ හොදම යාලුවට ලැප් එකක් ගන්න ඉතින් පස්සෙ දවසක ගියා.. බස් එකේ ගමන.. කෙල්ලො මුගෙ දිහා හොරෙන් බලනව.. කොල්ල ඉතිං අහින්සකය නේ හෙමිහිට ඒ කෙල්ලොන්ට හිනාවකුත් දැම්ම ආඩම්බරයක් නැතිව... ඒත් ඒ එකියක්වත් පොඩි චැටකටවත් ආවෙ නෑනෙ ළගට.. ආවොත් ඉතින් උඹලට තියෙන කික් එකනම් ජිල්මාට්ස්ට නෑ.. කකුල් දෙකත් වෙව්ලයි කෙල්ල එක්ක කතාකරන්න ගියාම.. හික්ස්..
…මෙන්න බොලේ රෑ මූණු පොතෙන් එකියක් චැට් කරනව... මම අද ඔයාව දැක්ක කියල ඇස් දෙකෙන්ම.. කොහොමද කියල ඇහුවම මම හිටපු තැනයි වෙලාවයි රෙකෝඩ් කරල වගේ කිව්ව..
ජිල්මාට්ස් නම් පොඩ්ඩක් සයිලන්ට් එකෙක්. ඒත් ඉතින් ෆිට් නම් ෆිට් බොක්කට බොක්ක.. ඉන්පස්සෙ බරටම චැට් එක.. මොනවද රෑ දෙගොඩයාමෙ චැට් කලේ කියලනම් අහන්න එපා...  එයා ගෙදරට හොරෙන්ලු රෑට කොම්පියුටරේ on කරන්නෙ... ඉතිං ජිල්මාට්ස් ඇහුව දැන් කාමරේට කවුරු හරි රිංගුවොත් දකිනවනෙ කියල... එයා ගත් කටටම කිව්ව switch off the power කියල.. පව් කෙල්ල.. කොම්පියුටරේ කාගන්නයි හදන්නෙ.. ඉතිං ජිල්මාට්ස් එයාට පොඩි දෙයක් කියල දුන්න කොහොමද කොම්පියුටරේ තත්පර ගණනකින් shutdown කරන්නෙ කොහොමද කියල... උඹලත් මාත් අතරෙ හොර රහස් නෑ නෙ... ඉතින් උඹලටත් මේක වටියි කියල හිතුණ. හදමුද පොඩි අයිටම් එකක් තත්පර ගණනකින් කොම්පියුටරේ Shutdown කරගන්න...
1. right click on Desktop (මේ කියපු සිංහලේ දන්නවනේ... කඩ්ඩෙන් කොටන්න තේරෙන්නෙ නෑ.. මොකද තවම ජිල්මාට්ස් සියල්ල දත් නෙවෙයිනේ... ;) )
2. new > shortcut
3. type the location of the item කියල ඉල්ලන තැනට මෙන්න මේක කොටන්නකෝ..  shutdown -s -f -t 2 -c "I want to shutdown" (මෙතන මේ 2 කියන්නෙ තත්පර ගණන...ඔයාට ඕන නම් මේක වැඩි කරගන්නත්... I want to shutdown කියල දෙන මැසේජ් එක වෙනුවට ඔයාට කැමති එකක් කොටන්නත් අවසරේ දෙනව... )
4. next > finish 
5. දැන් ඩෙස්ක්ටොප් එකේ ඔයා හදපු මේ shutdown කරන ඔප්ෂන් එක හැදිල ඇති... ඒක right click  > Propertties > change icon එකෙන් icon එකක් දාගෙනම බලන්නකෝ... ගින්දර වගේ වැඩ නේද කියල..

ඇයි දෙයියනේ මාව කොහේදි හරි දැක්කම උඹලට මාත් එක්ක කතා කරන්න ලජ්ජද..? මම අහස් උසට බැදි වීදුරු මාළිගාවක ඉන්න එකෙක් නෙවෙයි.. කොල්ල දුක්පත්.. බව ඇත්ත.. ඒත් මනුස්සකම ගෑවිලා තියනව කියල හිතෙනව.. කෙල්ලන්ට මගේ කෙල්ල වෙන්න නෙවෙයි.. යාලුවෙක් විදියට... කොල්ලනේ... මම ජිල්මාට්ස් විදියට නෙවෙයි උඹේ යාලුවෙක් විදියට...

Wednesday, October 10, 2012

කොපි කිරිල්ලයි.. කට් කිරිල්ලයි.. එකම ක්ලික් එකෙන්.. ( කොම්පියුටර් ජිල්මාට්ස් පාට් නම්බර් 30)

අනෙ අම්මප අපේ රටට ගියපු කලක්.... ජීවිතේට ලෙදර් බෝලයක්... ක්‍රිකට් පිත්තක් අතින් නොඅල්ලපු උන් අර පහුගිය දවස් ටිකේ මැච් එකට හදපු කතාටික... අරූ වැඩේ කෑවලු... ඌට බෝල දාන්න තේරෙන්නෙ නැහැලු.. අරූට එන බෝලෙට ගහගන්න බැහැලු... හරියට නිකම් ඌ ගියානම් මැච් එක උඩින්ම දිනනව වගේ කතාව... අනේහුකේ නන්නානේ කිව්වලු... මේ බැට් එකක් ලෙදර් බෝලයක් අතින් නොඅල්ලපු යක්කුන්ගෙ කටවල් නලියන්නෙ අර මුලු ලංකාවම නියෝජනය කරන්න ගියපු ලංකාවෙ ඉන්න දක්ෂතම ක්‍රිකට් ක්‍රීඩකයොන්ට වඩා උන් මරේ මරු ක්‍රිකටර්ස්ල වෙලා... දැන් නිකම්වත් උඹ එතන්ට දැම්මනම් ආ උඹ ඕන රෙද්දක් කරගනින් ගහපන් බලන්න මැච් එක කියල පුලුවන්ද ගහන්න...? ගහයි ඇට බෝල... 
තවත් එවුන් මැච් එක පැරදුණා කියල බෙල්ලෙ වැල දාගෙන.. තවත් හරක් වගයක් වස බීල... පවු යකෝ... උන්ට නෙවෙයි උන්ව හදපු අර අසරණ අම්මටයි.. තාත්තටයි... ඒ අසරණයො දෙන්න උන්ව කන්න බොන්න දීල හදාගත්තෙ කොහෙවත් නැති රෙද්දක් නිසා ජීවිතේ නැති කරගන්නද...? මැච් එක පැරදුණා කියල නහින්න ඕනද..? යකෝ අපි තවත් රටවල් බරගානක් එක්ක ක්‍රිකට් ගැහුව... අන්තිමේදි රටවල් දෙකක් ඉදිරියට ආව... ලෝක සිතියමේ ඇල්පෙනෙති තුඩක් වගේ තියන ලංකාවෙ නම අපේ මේ වීරයො ටික උස්සල තිබ්බ... ඇල්පෙනෙති තුඩක ඉන්න මේ වීරයො ටික ගැන අද මුලු ලෝකෙම කතාකරනව.. අපි පැරදිලා නැහැ... අපි එකෙක්ට දෙවෙනි උනා විතරයි... අනික් එවුන් බරගානක් අපි පරාද කලා... ඊයෙ ජිල්මාට්ස් ලියන පොඩි එකාගෙ උපන්දිනේ... ඒ කියන්නෙ ඔක්තෝබර් 9.. යාලුවොත් එක්ක පොඩි පාටියක් ගත්ත.. ටිකක් වැඩිවෙලා ඇදේ ඉදන් විකාර කියවනව කියල හිතන්නෙපා... සීරියස් විදියට කිව්වෙ..
යාලුවො ආපු එකේ උන්ට කන්න බොන්න දීල විතරක්ම මදිනෙ... තවත් මොනවහරි අරන් යන්න දෙන්නත් එපැයි හිත සතුටුවෙන දේවල්... උනුත් ඉතිං ඒව අරන් යන්න ගෝනි ගනන් ගෙනියන්න පෝටබල් හාඩ්ඩිස්ක්... පෙන් ඩ්‍රයිව්ස් අරන් එන්නෙ දන්න හින්දමයි.. ඕව ඉතිං සප්ලයි කොරන එක මගේ යුතුකමනේ... උඹල හිතයි දැන් මොනවහරි ලට්ට ලොට්ට තියන පොට් එකක් ගැන කියවන්න හදනව කියල මෙන්න මූ කටත් ඇරන් ඒක හොයනව... එහෙම නෙවෙයි බන්.. පෝටබල් හාඩ් එක ගැහුවත්... පෙන් එක ගැහුවත් මගේ කොම්පියුටරේ අස්සෙ තියන ෆයිල් එක දාගන්න දගලන්න වෙනවනේ... අරූගෙ පෙන් එක ඕපන් කරන්නයි... මගේ ෆයිල් එක ඕපන් කරන්නයි ඒක කොපි කරන්නයි පේස්ට් කරන්නයි... මළ පනිනව වැඩේට... හික්ස් ඒ උඹලට කලින් තිබුණ සිද්ධිය ජිල්මාට්ස් නම් ජිල්මාට්ස්... දාමු මළ පනින්නෙ නැති විදියෙ වැඩක්...
 windowskey + R කිව්ව ගමන් දැන් දන්නව වැඩේ මොකක්ද කියල.. ඔව් ඔව් ඒක තමයි... කරමු කරමු...
regedit කියලත් ටයිප් කලානේ...
එතනින් මෙතන්ට මෙතනින් එතන්ට එන්න HKEY_CLASSES_ROOT  > AllFilesystemObjects  > shellex  > ContextMenuHandlers
ශරි... දැන් ඔය ContextMenuHandlers උඩ right click කරල New  >  Key දෙන්නකෝ.... හරි දැන් අපි ඔතන්ට දාමු Copy To Here කියල ෆෝල්ඩර් එකක් හැදුණ නේ... අන්න දැන් ඒක double click කරන්න... Default කියන එක ආයෙමත් Double click කරන්නකෝ... ඉන්පස්සෙ අහයි Value එක අන්න ඒකට මෙන්න මේක දෙන්ට... {C2FBB630-2971-11d1-A18C-00C04FD75D13}
ශරි අපේ කොපි කිරිල්ල ඉවරයි... දැන් කට් කරමු.. කට් කළොත් ඉතින් කොහේට හරි තියන්නත් එපැයි... ඒකත් එකෙන්ම කරගමු...
…ආයෙමත් ඉතිං.... ContextMenuHandlers උඩ right click කරල New  >  Key දෙන්නකෝ.... හරි දැන් අපි ඔතන්ට දාමු Cut To Here කියල ෆෝල්ඩර් එකක් හැදුණ නේ... අන්න දැන් ඒක double click කරන්න... Default කියන එක ආයෙමත් Double click කරන්නකෝ... ඉන්පස්සෙ අහයි Value එක අන්න ඒකට මෙන්න මේක දෙන්ට... {C2FBB631-2971-11D1-A18C-00C04FD75D13}දැන් හරි... වැඩේ කොරල ඉවරයි...දැන් ඉතින් ඕක ක්ලෝස් කරල දාල  ජිල්මාට්ස් මේ යාලුවන්ට සැලකුව වගේ ඔයාටත් පුලුවන් වෙයි ඇනයක් නැතිව ගිනි කසය වගේ දාන්න ඕන ෆයිල් එකද ෆෝල්ඩර් එකද අන්න ඒක උඩ right click කරල එක ක්ලික් එකෙන්ම වැඩේ කොරගන්න...
folder එක right click කලාම එයි Copy To Here එකයි Cut To Here එකයි... අන්න ඕකයි අපි මේ කලේ... ජිල්මාට් වැඩක්...

Friday, October 5, 2012

user account එකක් හැංගිල්ල (කොම්පියුටර් ජිල්මාට්ස් පාට් නම්බර් 29)

ගමේ හැදිච්ච කොල්ලෙක් විදියට පුංචි කාලෙදි එක එක අහුමුලු වල හැංගි හැංගි එක එක නටපු සෙල්ලම් ජිල්මාට්ස් ඉස්කෝලෙදි අයිය කාලෙදි හැංගි හැංගි නටපු සෙල්ලම්... නාඩගම්... මතක් වෙනකොටත් ඒ මතකෙටම යනව.. හරිම ලස්සනයි කියල හංවඩු ගහපු එක එක කෑලි පස්සෙ ගිහින් හරි පුංචි පහේ සිගිති ආතල් හරි ගත්ත.. ඒ ඒදවස් වල කලේ කොලුකමට.. විසේකාර යෞවනේ පොපියන චමත්කාරයලුනෙ... ඔය දවස් වලම තමයි ඉතින් ඔය මදන විසේ ද මොකක්ද විසයකුත් හැදුණෙ.. ඔය කාලෙට ඉතින් කොල්ලව ප්‍රවේශම් කරන එක තමයි ගෙදරට තිබුණ එකම පුරස්නෙ... කොල්ලව නාවල සෝදල  ගත්තනම් කොල්ල පිරිසිදුයි කියල කතාවකුත් අහල තිබුණ.. ඒත් කොහෙද ඉතින් පාටියකටවත් යන්න ගෙදරින් පර්මිෂන් ගන්නෙත් ගෙදර බුදුන්ට දෙකට තුනට නැමිල බොහොම අමාරුවෙන්.. ඒ ගත්තත් පොඩ්ඩ පරක්කු වෙනකොට විනාඩි පහෙන් පහටම ගෙදරින් කෝල් එනව.. කොල්ලෙක් වෙලත් සමහර වෙලාවල් වලට මටම ලැජ්ජයි මහ රෑ දෙගොඩ වෙනකම් කෙල්ලොත් ඉන්නවනේ.. පාටි වලට ඇවිත්.. දැන් කාලෙ කොල්ලොද කෙල්ලොද නාවල සෝදල ගත්තම පිරිසිදුවෙන්නෙ..? අනේ මන්දා.. බරපතල ප්‍රශ්ණයක් හිතට නැගිච්ච...
ගෙදරට හොරෙන් කරන වැඩත් ඉතින් තියෙන්න ඕන නෙ... ;) ඒ හින්දමයි ඒ කාලෙදිම කාමරේට වෙනම ලොකර් එකකුත් ගත්තෙ.. ඒ දවස් වලත් ඉතින් ජිල්මාට්ස්ගෙ ජීවිත කාලෙන් වැඩියෙන්මත් ගෙවුණෙ ගෙදර ඉන්න වෙලාවටත්.. කොම්පියුටරේ මූණෙ බැදන් නෙ.. ඕකටත් ඉතින් නොකරපු දෙයක් නෑ.. පාස්වර්ඩ් දාගෙන අනේ මන්ද හෙන හෙන සෙල්ලම් දැම්ම.. යාලුවොත් එක්ක ඉන්නකොට ඉතින් මොකවත් බෑ නෙ තනියම භුක්ති විදින්ට... මගේ දේවල් හරියට උන්ගෙ වගේ...  කාමරේට රිංගුවොත් නොඅවුස්සන එක තැනක් නෑ.. ප්‍රයිවෙට් කියල දෙයක් තිබුණොත් තියෙන්නෙ තනි වුන වෙලාවකම තමයි.. කොම්පියුටරේට පාස්වර්ඩ් එකක් දැම්මොත් ඉතින් යාලුවො අතරෙ ඒක... රහස් තියෙන්නෙ ගෙදර අයට විතරයි..ද කොහෙද..
හික්ස්... ප්‍රයිවෙට් දේවල් හැම එකක්මත් බෙදාගෙන බැහැනෙ.. ඉතින් ජිල්මාට්ස්ගෙ කොම්පියුටරේ උනත් එහෙම තමයි.. උන්ට හොරෙන් පොඩි ජිල්මාට් පාරක් දාල නොහැංගුව දේවල් නැතුව නෙවෙයි... කොච්චර කියලනම් හැංගුවද..? පස්සෙන් ගියපු.. යාලු කරගත්තු කෙල්ලන්ගෙ ෆොටෝස්..යාලුවො දැක්කත් නොදැක්ක ඒව  ටිකකුත් තිබුණ.. දැන් නම් ඉතින් සෙටාර් එකම දන්නව මූ අමු කුකුළ කියල.. තාමත් ජිල්මාට්ස්ට අවුරුදු 24යි. තවම ඉතින් ඔය හිටපු ගමන් හංගන්න ඕන කියන දේවලුත් තියනවනේ... ඉතිං හංගනව... ජිල්මාට්ස්ගෙ කොම්පියුටරේ තවත් රහස් කුටියක්.... තියෙන්න පුලුවන් කියල හිතුනෙම   නැද්ද..?
හරි.. හරි.. ඕන් එහෙනම් උඹේ කොම්පියුටරෙත් රහස් කුටියක්... රහස්  user account එකක් හදන්න ඕනෙ කියල හිතුණ නම්.. හදමු.. ඇත්තටම අපි පුංචි කාලෙ හැංගිමුත්තන් සෙල්ලම කළා මතකද...? අන්න ඒවගේ හැංගුණ අකවුන්ට් එකක් හදමු..
1. windowskey + R දන්නව නේ... කලිනුත් මේක දැකල ඇතිනේ..run එක...
2. regedit කියල ටයිප් කරල එන්ටර් කරන්නකෝ.. (Registry Editor කියල එකක් දිග හැරෙයි.. කියන්න ඕන නැහැනේ... ජිල්මාට්ස් එක්ක හිටියනම් දන්නව ඇති...)
3. මම මේ දැන් කියන පාත් එක දිගේ... මෙතනින්..එතන්ට..එතනින්..මෙතන්ට...මෙතනින් එතන්ට .... UserList එකට එන්න.... මෙන්න මෙහෙම,
HKEY_LOCAL_MACHINE > Software > Microsoft > WindowsNT > CurrentVersion > Winlogon > SpecialAccounts > UserList
 ඔන්න පොඩි පරහක්... windows7 එකේ.. Winlogin ඇතුළෙ SpecialAccounts කියල එකක් නැතිලු... හරි ඒක මෙහෙම හදමු... නෝමල් විදියට ෆෝල්ඩර් හදන විදියම තමයි... ඔය winlogin එක උඩ right click කරල new.. දැන් ඉතින් SpecialAccounts කියල ෆෝල්ඩර් එක හදනව.. ඒක උඩ right click කරල new. දීල UserList හැදුව.. වැඩේ ගොඩ..
හරි දැන් වැඩේ කොරන්නයි තියෙන්නෙ..
4. එහා පැත්තෙ Values තියන ෂීට් එකේ.. මෙහෙම..  right click > new
5. DWORD Value එක ක්ලික් කරන්නකෝ... ඔන්න කැමති නමක් දීල ඔන්න ඔතනින් අයින් වෙන්නකෝ...

දැන්නම් ඉතිං user account එක හදල නම් ඉවරයි..  දැන් ඉතින් තියෙන්නෙ ලොග් වෙන්න ඕන විදිය හදාගන්න..
Windows XP වලට සූත්තරේ...මෙහෙම...
1. Start > Control Panel > User Accounts
2. click  "Change the way users log on or off "
3. "Use the Welcome screen" මේකෙ තියන ටික් එක අයින් කොළා නම්... හරි.. 

Windows 7  ඇන්ඩ් Vista වලට සූත්තරේ...මෙහෙම...
1. Start එකට ගොහින්.. search එකේ.. netplwiz  කියල ටයිප් කරල එන්ටර් පාර දෙනව..
2. Advance ටැබ් එකේ.. Require users to press Ctrl+Alt+Delete එකට ටික් එකක් දාල Apply ඇන්ඩ් OK 
සියලු වැඩකටයුතු අවසන්... හොර ගුහාවකුත් එහෙනම් හැදුව... ප්‍රයිවෙට්... පුද්ගලිකයි... රහසිගතයි... කියල බර වචනයකුත් ජීවිතේට තියනව වගේ... කොම්පියුටරේටත් තියෙන්නම ඕන.. දැන් ඉතින් ගෙදර කාමරේ හැංගි හොරා වැඩකරන්න අනං මනං කරනව වගේ.. කොම්පියුටරේටත් අනං මනං වැඩ කරගන්න පුංචි ගුහාවකුත් හැදුව එහෙනම් ඈ... අෆෝයි.. ජිල්මාට්ස්ගෙ රහස් ඔක්කොම එළිපිට...