Thursday, September 27, 2012

Firefox එකේ පිටු පෙරළීම (කොම්පියුටර් ජිල්මාට්ස් පාට් නම්බර් 28)

පොල්ලක් අල්ලගෙන බොරුවට නිදිකිරා වැටුණෙ අහල පහල හිටගෙන ගෑණු පුලුටක්වත් නැති හින්ද හිටගෙන හිටපු සීට් එක ළග සීට් එකේ වාඩි වෙලා හිටියෙ ලස්සන කෙල්ලෙක් එක්ක හැට පැනපු සීයව නැගිට්ටවල   ඒ කෙල්ලගෙ ළගින් වාඩිවෙන්න.. කවදාකවත් බස් එකක හිටගෙන තියා වාඩි වෙලාවවත් නින්ද නොගිය මම අද බොරුවට නිදි කිරනව.. සීය මේ සිද්ධිය දැක්කත් නොදැක්ක වගේ හිටිය.. කෙල්ලට මම ගැන දුක හිතිලද මන්ද ඒකි නැගිටල මට සීට් එක දුන්න... ඊට වඩා හොදයි ඇහැරගෙන ඒකි දිහා බලාගෙනම හිටියනම්.. මොකක්ද මේ පාත් වෙච්ච කරුමෙ.. මොනව කරන්නද...? දැන් ඉතින් වාඩි වෙන්නත් වෙනව නේ බලකරලම සීට් එක දුන්නම.. බොරුවට නිදි කිරපු එකේ ප්‍රතිඵලේ.. දැන් ඇහැරගෙන ඉන්නත් බෑ නෙ.. ඒකිගෙ මූණ බලන්න උඩ බලන්නත් එපැයි නිදාගෙන කොහේ උඩ බලන්නද.. වෙච්ච දෙයක් වෙද්දෙන් කියල නිදාගන්නවමයි කියල හිතාගෙන හිටපු හින්දම නින්ද ගිහින්.. "ඒයි ළමයො පැත්තකට වෙලා නිදාගන්නවද මගේ ඇගට හේත්තු නොවී... " අනින්න හිතුන හොම්බට හැටක් විතර නාකි කම පැත්තකට දාල... නිකමට ඇස් දෙක උඩට ගියේ කෙල්ල තාම ඉන්නවද කියල බලන්න.. ෂිට් .. මගේ දිහා බලාගෙන ඒකි හිනා වෙනව... නෝන්ඩි කියන්නෙ.. කෙල්ලෙක් ඉස්සරහ මෙහෙම...  ඒ අස්සෙ තවත් හුටපටයක්.. පවු අහින්සකයෙක් ගුටිකනව.. බස් එකේ කොන්දොස්තර කියන්නෙ ජාතියක් ජම්මයක් නැති ගහන ගහන පදේට නටන්න ඕන කෙනෙක්ද.. ඇයි යක්කුනේ... මේත් මිනිස්සු.. උඹල දෙන සල්ලි වලින්ම තමයි ජීවත් වෙන්නෙ එහෙමයි කියල උඹලට ඕන ඕන විදියට දැන් ඉන්න ඕන... බස් එකේ සෙනග හිටියොත් තමයි උන්ගෙ හත්මුතු පරම්පරාවම බඩට දෙයක් දාගන්නෙ.. සම හරක්ට මේක තේරෙන්නෙ නැහැ.. පොඩ්ඩක් ඉස්සරහට යන්න මහත්තයෝ කියල කිව්වම ඇගට කඩාගෙන පැනල ගුටි වලින් සප්පායම් කරන එක හරිද...? පොඩ්ඩක් හිතපන්..  උඹ වගේම ඌත් මනුස්ස ආත්මයක් ලබපු එකෙක්... උඹ පෝසත් වෙන්න පුලුවන්.. ඌ දුක්පත් වෙන්න පුලුවන්.. මමත් දුක්පත් වෙන්න පුලුවන්.. ඒත් අපි හැමෝම මනුස්සයො.. මැරෙන වෙලාවට අන්තිම මොහොතෙ හරි වතුර පොදක් දෙන්න කියල ඉතුරු වෙන්නෙ මනුස්සයෙක්.. ඇගේ ටිකක් තැර උණා කියල ඇගෙන් පලුවක් ගැලවෙනවද...? නින්ද ගියපු නිසයි පොඩ්ඩක් හරි ඔලුව උරහිසට හේත්තු වෙන්න ඇත්තෙ.. සම හරක් ගැන කතා කරල වැඩක් නෑ..
සීන් එක මතක් වෙනකොටත් ...ඒ කෙල්ල මගේ දිහා වපර ඇහින් බලල හිනාවෙච්ච හිනාවිල්ලත් මට මැවිල පේනව... ගෙට ගොඩ වෙන්නෙම කොම්පියුටරේ ඔන් කරගෙන නිසා..පුරුද්දටද මන්දා කොම්පියුටරේ ඔන්කර ගෙන එතනින් වාඩි උනේ.. හිතට ලොකු බරක් ආවම මූණුපොතට ඇවිත් කෙල්ලො කොල්ලො ටිකක් වටකරගෙන වල්පල් දොඩවන්න.. එකෙක්වත් නෑ.. ඔන්ලයින්... කරුමෙ කියන්නෙ එලව එලව පයින්ම ගහනවද කොහෙද.. මූණුපොතයි... ඊමේල් එකයි.. මූණුපොතේ යාලුවන්ගෙ ප්‍රොෆයිලුයි.. යූ ටියුබ් පේජස් ටිකකුයි පොඩිහිටියන්ගෙ සයිට්ස් ටිකකුයි... වැඩිහිටියන්ගෙ සයිට්ස් ටිකකුයි ඕපන් කරගෙන... මේ ටික දැක්කනම් උඹල දැනට firefox බ්‍රවුසර්ස් 3ක් 4ක් ඕපන් කරගෙන එකින් එකක් බලන්න..
…හික්ස්... ජිල්මාට්ස්ට වෙච්ච කැතම සීන් එක අස්සෙ උඹලටත් කැතම සීන් එකක් කියල දෙන්නයි යන්නෙ..
…නෝමල් firefox එකේ පිටු ගණන 10කට වඩා වැඩිනම් ඉතින් කොරන්නෙ තවත් firefox එකක් ඕපන් කරන එකනෙ කරන්නෙ... මළ වදයක් එහෙම උනාම.. අරක ඕපන් කරන්නයි මේක ඕපන් කරන්නයි ගියාම.. කතාවෙන් වැඩක් නෑ... කරලම බලමුකො එකම firefox එකක දිගට හරහට පේජස් ඕපන් කරන්නෙ කොහොමද කියල..  හරි එහෙනම්...
…අලුත් ටැබ් එකක් ඕපන් කරන්න ඉතිං දන්නවනේ... ඕපන් කරමුකො බලන්න...
…ඉන්පස්සෙ මෙන්න මෙහෙම ඒකෙ කොටල එන්ටර් කරන්න...
chrome://browser/content/browser.xul
කැතම සීන් එකනේ.. firefox browser එක අස්සෙ කරන්න පුලුවන් දේවල්...
…ඒවයින් කාරි නෑ... ඕකෙ රිංගන ගමන්.. ජිල්මාට්ස් ට ඇත්තටම වෙච්ච සීන් එක ගැනත් පොඩ්ඩක් හිතපන්.. උඹලටත් එහෙම එකක් උනොත්.. මනුස්සයො අතර.. ඉන්න සම  හරක් ට මනුස්සකම කියන එක ගෑවේලාවත් තියනවද කියල.. මම උඹලට එකක් කියන්නම්... මනුස්සයෙක් ඉදිරියෙදි මනුස්සයෙක් වෙයන්.. බස් එකේදි... පාරෙ තොටේදි ඔය මූණ විරිත්තන්නෙ නැතුව.. හිනාවෙලා හැමෝමත් එක්ක හිනාවෙලා ඉදපන්...
…කියපු විදිය බරක් නෑ... කියල හිතෙනව.. බොහොම පොඩියෙන් ලිව්වෙ බර වචන දැම්මනම් සංවර කම කියන රෙද්ද ලිහන්න වෙනව..



Monday, September 17, 2012

IP Address වෙනස් කිරිල්ල... ;) (කොම්පියුටර් ජිල්මාට්ස් පාට් නම්බර් 27)

නෑ මගෙ වස්තුවේ මම ඔයාට රිදවන්නෙ නැහැ. ඔයයි මගේ ජීවිතේම.. මේ වෙනකම් හැම අස්සකම අතගානකම් ඔයා මාදිහා ආදරෙන් බලන් හිටියා.. ඒ ඔයා මාව විශ්වාස කරනනිසා.. මම ඔයාගෙ හැම අස්සකටම අත දාල සොයන්නෙ අපේ ආදරේ වැඩිකරගන්න.. ඔයා මමත් එක්ක මේ විදියට ආදරෙන් බැදෙනකොට මගේ ආශාව වැඩිවෙන්නෙ තවත් ගැඹුරට අතදාල තව තව දේවල් සොයල ඒව ඇතුළෙ තියෙන දේවල් දකින්න.. වෙන්නෙ මොනවද කියල බලන්න.. සමහර වෙලාවට ඔයා ගොඩක් නපුරුවෙන වෙලාවලුත් තිබුණ.. ඒත් මම ඔයාව ටෙස්ට් කරන්න වෙනම කාමරයක් අරන් තිබුණ හින්ද ඔයා මාව අතහැරල ගියේ නෑ... ඒ මම ඔයාට ගොඩක් ආදරේ කරනව..ඔයාව හොදින් තියාගන්න ඕන හින්ද තමයි කියල ඔයා දන්න නිසා.. වෙනම වෙන්කරපු කාමරේකට රිංගල අපි දෙන්න එක එක පරීක්ෂණ කරල ඒව සාර්ථක උනාම මම ඔයාව එළියට අරන් ඔයාගෙ ඇත්ත ජීවිතේට ඒව්ව මෙව්ව කරනව.. ඒ දැන් භයක් නැතිහින්ද.. ඔයාගෙ මේ ආදර කොල්ලට පිට කොල්ලො කෙල්ලො ආදරේට කියන්නෙ ජිල්මාට්ස් කියල.. ඒ මම ඔයාගෙ හැම අස්සකටම අතදාල ඒවගෙන් වෙච්ච දේවල් රසකර කර කියලදෙන නිසා... මම ඔයාට ගොඩක් ළං වෙනව වගේ  ඒ අයියල අක්කලටත් මම ඔයාට ආදරේ කරනව වගේ එයාලත් එයාලගෙ කොම්පියුටර් වලට ආදරේ කරනව.. හැබැයි සමහර අයියල අක්කල සොෆ්ට්වෙයා නැතුව කරන්න පුලුවන් දේවලුත් සොෆ්ට්වෙයා ඔබාගෙන කරන්න ගිහ්න් ඇනගන්නව..
…මම ඔයත් එක්ක එකතුවෙලා හොරෙන් කීතැනකට ඉන්ටනෙට් එකෙන් රිංගුවද එඩ්‍රස් එකට බොරු එකක් දීල. මතකද එදා දවසක් අපි දෙන්න එකතුවෙලා අතිශයින්ම පොඩිහිටියන්ට තහනම් පොට් එකකට රිංගුව හරියට වැඩිහිටියො දෙන්නෙක් වගේ... මේ අයියල අක්කලත් මීට කලින් ip changer ද මොනවද නමක් කියාගෙන එක එක එව්ව ඩවුන්ලෝඩ් කරගෙන අහුමුලුවල රිංගල කොම්පියුටර් එකත් ස්ලෝ කරගෙනලු.. ඒ හින්ද මම මේ කස්ටියටත් කියල දීල එන්නම් අපි දෙන්න කොහොමද ip address එක වෙනස් කරගෙන අහුමුලුවලට රිංගුවෙ කියල..
…ශරි මගේ යාලුවනේ... එහෙනම් අපි සොෆ්ට්වෙයා දාගෙන ඇනගන්නවට වඩා... පුංචිම පුංචි සෙල්ලමක් දාල ip address එක වෙනස් කරමු...
…1. Windowskey + R >දැන් "cmd" කියල ටයිප් කරන්නකෝ...

2.  ඊළගට එන කමාන්ඩ් ප්‍රොම්ප්ට් එකේ මෙහෙම ටයිප් කරන්න  netsh interface ip show config     දැන් (එහෙමත් නැත්නම් ipconfig /all ) පෙනෙයි ඔයාගෙ IP Address එක
DHCP enabled:        No
IP Address:              192.168.1.148
SubnetMask:            255.255.255.0
Default Gateway:      192.168.1.1
 
(මේක මගේ... මම දැන් මේක වෙනස් කරන්නයි යන්නෙ... බලන්න ඔයාගෙ එක මොකක්ද කියල ) 

3. හරි එහෙනම් දැන් වෙනස් කරමු කොටන්න මෙන්න මෙහෙම

netsh interface ip set address name="Local Area Connection" 
static 192.168.1.193 255.255.255.0 192.168.1.1 1

මේක කරගන්නත් සොෆ්ට්වෙයා ඕනද...? අනේමන්දා... මම නම් ඕං වෙනස් කළා... ඕං ඔහොමයි අපි දෙන්න අනං මනං සයිට්ස් වලට ip change කරල රිංගුවෙ.. හික්ස්..

Monday, September 10, 2012

කැමති තාලයේ ෆොටෝ එකක් Windows7 තිරේ අස්සට ( කොම්පියුටර් ජිල්මාට්ස් පාට්නම්බර් 26)

බොක්ස් එකට රිංගපු එවුන් මොනව මොනව කරනව ඇත්ද...? හොද හොද සෙල්ලම් ඇතුළෙ යනව ඇති.. අපිට ඉතින්  පුලුළ් තිරේ හොදහොද සෙල්ලම් තමයි.. එකට ක්ලාස් කට් කරල , ටිකට්ස් ගන්න පෝළිමේ ඉදන් කට්ට කාල.., ටික්ක අයියට ටෝක් කරල බැරිම තැන සෙටාර් එකෙන් කීය කීය හරි එකතු කරල ටික්ක අයියගෙ පොකැට්ටුවට ඔබල ටිකට්ස් ටික අරගන්න එකට දගලපු උන්.. කෝ... ජිල්මාට්ස් එක්ක බැල්කනියෙ  ඉන්නෙ 3ක් 4ක් විතරනෙ.. අනික් එවුන් කෝ...? බොක්ස් අස්සට රිංගල.. කෑල්ල එක්ක ආවම එකට හිටපු යාලුවොත් මුන්ට අමතක වෙනවනේ.. කුටියට රිංගුවෙ පුලුළ් තිරේ දිග හැරිච්ච සෙල්ලම් ටික ප්‍රැක්ටිකල් කරන්නද කොහෙද... බැල්කනියෙ ඉන්නත් භයයි භයයි වගේ.. තනියම හරි කුටියක් අස්සට රිංගුවනම් හොදයි කියලත් හිතෙනව..දන් මොනව කරන්නද..  ගෙවල් ළග කවුරුවත් ඉන්නවද...? නෑඩෑ වෙන කෙනෙක්වත් ළග පාතක ඉන්නවද බැලුවෙ දැක්කොත් ගෙදරට ගොඩවෙන එකත් ෂුවර් නැති හන්ද.. දැකපු කෙනාගෙ මූණ බලන්නත් බැරිවෙන හින්ද.. වෙලාවට කවුරුවත්ම නෑ..
…ෆිල්ම් එක ඉවර උණා විතරයි සුටුස් ගාල ජිල්මාට්ස් එළියට පැන්නෙ හැමෝටම කළින් ගේට්ටුව ළගට ගිහින් එතන තාප්පෙට අඩිය ගහන්න.. ජිල්මාට්ස් එක්ක බැල්කනියෙ හිටපු සෙටාර්  එකත් එළියට ආව.. පස්සෙ මෙන්න කුටි අස්සෙ හැංගිච්ච අපේ අයියල සෙට් එකත් ආව අක්කල සෙට් එකත් එක්ක මොනවත් නොවුණ වගේ.. කෙල්ල ඉස්සරහ යාලුවො නිකම් මොකුන්ද වගේ.. උන්නද මළාද දන්නෙ නැහැ.. කෙල්ලගෙ ෆොටෝ එකත් වෝල් පේපර් එක කරගෙන.. මචන්ලා... යාලුවො කියන්නෙ උඹේ ජීවිතේ.. කවදාක හරි යාලුවො නැතුව ජීවිතයක් නැති වෙනව. කෙල්ලෙක් තියා ගෑණු පරාණයක් නෑ..උඹට වැරදුණ දවසක.. ඒක මතක තියාගනින්..
…උබේ වෝල් ෆෝටෝ එක කෙල්ලෙගෙ ෆොටෝ එකනෙ.. හිටපන්.. කෙල්ලට කලින් අපේ යාලුකමේ ෆිට් එක ඉස්සරහටම ගේන්න.. ගනින්කො උඹේ කොම්පියුටරේ පොඩ්ඩක්... සොෆ්ට්වෙයා කෑලි දමාගෙන මේක කරන්න පුලුවන් තමයි.. ඒත් ජිල්මාට්ස් හැමදාමත් ජිල්මාට්ස්ම තමයි..
…යාලුවො සෙට් වලා ගත්තු මැක්සා ෆොටෝ එකකුත් සෙට් ඒකනම් පට්ටයි මුන්ට අතීතය මතක් කරන්න... උඹ දැනටමත් කෙල්ලො 3ක් 4ක් එක්ක ලව් කරානෙ බලපන්.. අපේ යාලුකම තාමත් තියනව.. ඒක අදින් පස්සෙ හැමදාටමත් තියේවි..
…කොම්පියුටරේ නම් දුවන්නෙ windows 7 ජිල්මාට්ස් ගෙ අයිඩියා එක යාලුවගෙ කොම්පියුටර් එකේ කෙල්ලගෙ වෝල් පේපර් එක එන්න කළින් අපේ ෆ්‍රෙන්ඩ්ෂිප් එක පෙන්නන්න..
…එහෙනම් මෙන්න මෙහෙමයි කරේ..

1. C > Windows > System > System32 > oobe එක ඇතුළෙ info කියල ෆෝල්ඩර් එකක් හදල ඒකෙ ඇතුළෙත් backgrounds කියල ෆෝල්ඩර් එකක් හදනව..

2. මේ backgrounds ෆෝල්ඩර් එක ඇතුළට අපේ සෙටාර් එකේ තෝරගත්තු ෆොටෝ එක දාල backgroundDefault.jpg කියල සේව් පාරක් දෙනව.. (පොඩි කේස් එකකුත් තියනව.. ෆොටෝ එකේ සයිස් එක ටිකක් අඩුනම් පට්ට.. 240KB වගේ උණානම් මරු )

3. ඉන්පස්සෙ ඉතින්  WindowsKey + R  > regedit කියල ටයිප් කරල enter කරනව..

4. Ctrl + F  > OEMBackground කියල ටයිප් කරල පොඩි find පාරක් දෙනව..

5.
OEMBackground එකක් එයි බිංදුව  (0)  අන්න ඒ වැලිව් එක එක  (1) කරල දීල  ඕපන් කරපු හැම රෙද්දක්ම වහල දාල කොම්පියුටර් එක restart කරල බලන්න..
කෙල්ලගෙ වෝල් පේපර් එක එන්න කලින් අපේ මිත්‍රකම හැමදාමත්.. මුලින්මයි කියල කොම්පියුටර් එකත් කියනව නේද කියල..
…අනේ මන්දා.. මේ ජිල්මාට්ස්ට හිතුණ විදිය.. පස්සෙ ආපු කෑල්ලකට වඩා කළින් ගොඩ නැගුණ අපේ යාලුකම වටිනව.. ජිල්මාට්ස් මෙහෙම උණත්.. මට යාලුකම් වලට වඩා මගේ කෙල්ලව වටිනව කියල හිතුණොත් ඉතින් මේ ජිල්මාට්ස් මොනව කියන්නද..? අවුලක් නෑ.. කෙල්ලෙගෙ ෆොටෝ එකම දාගන්නකෝ..
අපේ අයියල සෙට් එකටත් උණේ ඔය ටිකමනෙ.. අයියල සෙට් එක කෙල්ලො බදන් හිටියා ජිල්මාට්ස් තවමත් යාලුකම බදන්... යාලුකම හින්දම ජිල්මාට්ස් තවමත් බැල්කනියට යද්දි ජිල්මාට්ස්ගෙ යාලුවො බොක්ස් අස්සට රිංගනව..  ජිල්මාට්ස් තවමත් තනියම..

Monday, September 3, 2012

පැටික්කිගෙ පින්තූර ටිකෙන් windowsXP Screen saver එකක් හදමු (කොම්පියුටර් ජිල්මාට්ස් පාට්නම්බර් 25)



ලේ කිරි කරල පොවද්දි ඒක බොන්න ඉක්මන් නොවුන මම.. ඉස්කෝලෙදි  "අ" යන්න කියන්න ඉක්මන් නොවුන මම..  කටට ඔබපු බත් ගුලිය ගිලගන්න ඉක්මන් නොවුන මම.. අවුරුදු 18 පිරෙන්නත් කලින්, තනි වුන කාමරේක ඇදක් උඩට වෙලා ඇගේ ඇගට අත තියන්න තරම්  ඉක්මන් වුන මම.. මේ මමම දැයි හිතා ගන්න බැරුව ඉන්න වෙලේ.. මගේ හිසකෙස් පිරිමැදපු ඇගේ අත අල්ලපු වෙලේ  දැනුනෙ හරියට හුරු පුරුදු ගතියක්.. ඒ අතේ රස්නෙ.. සුවද... 
…ඇයි පුතා ඔලුව හුගක්  රිදෙනවද...?
…කටහඩ නම් අම්මිගෙ.. අම්මි කොහෙද මෙහේ..? මම මේ ඉන්නෙ මගේ රූම් එකේ නේද...? එතකොට මම දැක්කෙ පාට පාට හීනයක්වත් ද...? හීන දකිනව විතරයි.. කොහෙද ඉතින් ඒව ඉස්ඨ කරගන්න පුලුවනෑ.. තාම පොඩි එකානෙ.. පොඩි එකා උණාට හිත ලොකුයි නෙ..
…ඔව් අම්මි ටිකක් රිදෙනව.. ඔලුව රිදෙන හින්ද ම ඇගටත් අමාරුයි ඒ හින්දමද කොහෙද නින්ද ගිහිපු වෙලේ දැකපු හීනයක්..
…කොහෙද ඉතින් පැටික්කිට කොච්චර කිව්වත් ළගට එන්න ඇවිත් මම ළගින්ම ඉන්න කියල කිව්වට අහන එකක්යැ.. හීනෙන්ම  දැක්කොත් මිසක..